Այսօր` առավոտյան, Մարտակերտի շրջվարչակազմի շենքի դիմաց հավաքվել էին Արցախյան պատերազմի նախկին հրամանատարներ, ազատամարտիկներ, որոնք բաժանվելով խմբերի, մեկնեցին դիրքեր:
«Արցախպրես»-ի հաղորդմամբ, այս մասին տեղեկացնում է Մարտակերտի շրջանային «Ջրաբերդ» պաշտոնաթերթը:
Այս պահին նրանք գտնվում են առաջնագծում, և իրենց փորձով ու խորհուրդներով փորձում են օգտակար լինել մեր դիրքապահներին:
Աղբյուրի տեղեկացմամբ, դիրքեր մեկնած ազատամարտիկները հիմնականում Արցախյան պատերազմի ժամանակ Մարտակերտի շրջանն ազատագրած տղաներն են, ովքեր շատ ուժեղ մարտավարական հնարքների են տիրապետում, ինչը բազմիցս ապացուցել են Արցախյան պատերազմի ժամանակ: