Ամերիկահայ հայտնի գրող Վիլյամ Սարոյանի «Մարդկային կատակերգություն» վեպի հիման վրա պատրաստված «Իթակա» գեղարվեստական ֆիլմը ներկայացվելու է «Սոնոմա» միջազգային կինոփառատոնում: Այս մասին հայտնում է փառատոնի պաշտոնական կայք-ը:
Ֆիլմի ռեժիսորն է հոլիվուդյան աստղ Մեգ Ռայանը, իսկ պրոդյուսերը` Թոմ Հենքսը: Ֆիլմը Մեգ Ռայանի առաջին ռեժիսորական աշխատանքն է:
Բացի ռեժիսոր լինելուց, Մեգ Ռայանը մարմնավորում է գլխավոր հերոսի մոր կերպարը: Այս ֆիլմի դերասանների շարքում են` Թոմ Հենքսը, Մելանի Գրիֆիթը, Սեմ Շեփարդը և Լուիս Ռոբինսը:
«Սոնոմա» միջազգային 19-րդ կինոփառատոնը կայանալու է մարտի 30-ից ապրիլի 3-ը: Փառատոնի շրջանակներում ցուցադրվելու է ամբողջ աշխարհից 100 ֆիլմ:
