Սիրիայի բանակը հինգշաբթի Ռաքքայի հյուսիսային շրջանում «Իսլամական պետություն» ծայրահեղական խմբավորման ավելի քան 140 գրոհայինի է ոչնչացրել։
Զինծառայողները մեկը մյուսի ետևից հետ են մղում մոջահեդների հարձակումները, որոնք շրջապատել են Եփրատի ափին գտնվող Տաբկա քաղաքի հարևանությամբ տեղակայված ռազմական օդանավակայանը, գրում է Взгляд-ը:
Սպանված վարձկան-աահաբեկիչների թիվը, ովքեր գրոհում են հյուսիսային շրջանում կառավարական ուժերի այդ վերջին հենակետը, ավելանում է և շաբաթվա սկզբից գերազանցել է 600-ը:
Կորուստները չեն կանգնեցնում խմբավորման հրամանատարներին, ովքեր ցանկանում են ձեռք բերել ռազմական բազայում գտնվող ռազմամթերքի և ռազմական տեխնիկայի պահեստները:
Սիրիացի օդաչուներն ավիահարվածներ են հասցնում հակառակորդի դիրքերին: Երեկոյան գրոհայինները նախընտրել են հետ քաշվել Տաբկա քաղաքի խորքերը և թաքնվել բնակելի թաղամասերում:
Էլ-Հասիկա հարևան շրջանում մոջահեդները կարողացել են գրավել Ջուզաա բնակավայրը՝ Իրաքի հետ սահմանին «Յարուբիա» անցակետի մոտ: Այդ շրջանում նրանց դեմ կատաղի մարտեր են մղում քրդական ինքնապաշտպանության ուժերը։