Քիմ Քարդաշյանը սոցցանցում իր բաժանորդներին տեղեկացրել է որ աղոթում է ընկերուհու՝ Ռաքելի համար, նաեւ հրապարակել է մի լուսանկար, որտեղ ինքն ու ընկերուհին միասին են, գրում է Daillymail-ը։
«Ուիլի, դու հրեշտակ էիր երկրի վրա, հրեշտակ կլինես նաեւ երկնքում: Թող աստված օրհնի քեզ, ես աղոթում եմ բոլորիդ համար: Թող աստված Ռաքելին ու նրա երեխաներին շրջապատի սիրով ու պաշտպանի նրանց»,- ստորագրել է լուսանկարը Քիմը:
Կիրակի Նոր Օռլեանում 28-ամյա Քարդել Հայեսը սպանել էր ամերիկյան ֆուտբոլիստ Ուիլ Սմիթին, այն բանից հետո երբ մարզիկի մեքենան վթարի է ենթարկվել: Բախումից հետո վթարի երկու մասնակիցների միջեւ վեճ էր ծագել, որի հետեւանքով Ուիլ Սմիթին սպանել են: Միջադեպի ընթացքում հանցագործը նաեւ երկու անգամ կրակել է ֆուտբոլիստի կնոջ ոտքին: Նրան տարել են Նոր Օռլեանի հիվանդանոցներից մեկը: Ուիլը երեք երեխաների հայր էր:
Մարդասպանին կալանավորել են։ Գրավի չափը մեկ միլիոն դոլար է նշանակվել:
Ռաքել Սմիթը՝ Ուիլի կինը, Քիմ Քարդաշյանի ընկերուհին է: Քիմն արդեն Նոր Օռլեան է ժամանել՝ նրան տեսակցելու:
