ԱՄՆ նախագահ Բարաք Օբամայի հայտարարությունից հետո, որ իր երկիրն ավելի շատ օդային հարվածներ կհասցնի ահաբեկիչների դիրքերի ուղղությամբ, Գերմանիան ևս չի բացառել Սիրիայում «Իսլամական պետության» զինյալների դեմ ռազմական գործողությանը մասնակցությունը: Այս մասին հայտնում է The Local-ը:
«Ես չեմ բացառում (Գերմանիայի.- 1in.am) մասնակցությունը օդային հարվածներ հասցնելուն»,- հայտարարել է քրիստոնյա-դեմոկրատների կուսակցության ներկայացուցիչ Ֆիլիպ Միսֆելդերը: Նրա խոսքով՝ «Իսլամական պետության» դեմ պայքարն «այն է, ինչով պետք է բոլորը միասին զբաղվեն»: «Կարծում եմ՝ մենք պետք է աջակցենք ամերիկացիներին»,- ասել է Միսֆելդերը:
