Քենիայի իշխանությունները շաբաթ ավելի քան 105 տոննա փղոսկր և ռնգեղջյուրի եղջյուր են այրել` այսպիսով պայքարելով որսագողության աճող վտանգի դեմ:
Ինչպես ընդգծում է Washington Post-ը` փղոսկրի շուկան Ասիայի մեծ մասում, մասնավորապես Չինաստանում, շարունակում է մեծ պահանջարկ ունենալ, ինչն էլ դրդում է որսագողերին ժամանել Աֆրիկա: Նրանք իրենց որսը որոնում են Սահարայից հարավ ընկած շրջաններում: Փղոսկրի զանգվածային ոչնչացումն ուղղված է այդ շուկայի աճին վերջ դնելուն:
Որոշ հաշվարկների համաձայն` մայրաքաղաք Նայրոբիում այրված փղոսկրը կարժենար ավելի քան 150 մլն դոլար: Այդ քանակի փղոսկրը ստացվում է 8000 կենդանիներից:
«Մեզ համար փղոսկրն արժեք չունի, եթե այն մեր փղերի վրա չէ», - ասել է Քենիայի նախագահ Ուհուրու Քենյատան:
