Spletnik.ru-ի փոխանցմամբ՝ այն ժամանակից ի վեր, երբ Ռիհաննան ու Դրեյկը անցած ձմեռ ներկայացրեցին Work համատեղ թրեքը, իսկ հետո նաև դրա բավական էրոտիկ տեսահոլովակը, չեն դադարում խոսակցություններն այն մասին, որ հանրաճանաչ անձանց սիրավեպը բորբոքվել է նոր ուժով:
Այժմ այդ տեղեկատվությունը հաստատում է աստղային շրջապատին մոտ կանգնած մի անձնավորություն, ում անունը չի հաղորդվում: Նրա խոսքով՝ Ռիհաննան ու նրա նախկին ընկերը գաղտնի հանդիպում են արդեն մի քանի ամիս:
Աղբյուրը հայտարարել է, որ նրանք դա թաքցնում են, որովհետև այս անգամ ցանկանում են ամեն ինչ ճիշտ անել և իրենց հարաբերությունները չդարձնել հանրային քննարկման առարկա:
Ռիհաննան ու Դրեյկը հանդիպել են այն բանից հետո, երբ 2010 թվականին երգչուհին բաժանվեց բեյսբոլիստ Մեթ Քեմփից:
