ՀՀ առողջապահության նախարար Լևոն Ալթունյանն ընդունել է «Կարլ Շտորց-էնդոսկոպ» կազմակերպության Հայաստանի և Վրաստանի տարածաշրջանային մենեջեր Մերաբ Մգալոբլիշվիլիին և Հայաստանի ներկայացուցիչ Կարինե Կաջոյանին։
1945թվականից բժշկական սարքավորումներ արտադրող կազմակերպությունը ներկայացված է աշխարհի շատ երկրներում։ Վերջին 18 տարում ֆիրմայի արտադրած էնդոսկոպիկ սարքավորումներով վիրահատություններ են կատարվում նաև Հայաստանում։
Տարածաշրջանային մենեջերը նախարարին ներկայացրել է, որ բարձրակարգ սարքեր արտադրող ֆիրման, կարևորելով մասնագետների պատրաստվածությունը, կրթական ծրագրեր է իրականացնում։ Ուսուցանվում են նաև բուժքույրերը։
Ֆիրման հաջողությամբ համագործակցում է նաև Հայաստանի մասնագիտական ասոցիացիաների հետ, համատեղ գիտաժողովներ կազմակերպում։
Հանդիպման ընթացքում քննարկվել են համագործակցության ընդլայնման հնարավորությունները։
