Ներկայացված է Տարվա նոր սերնդի լավագույն քաղաքական գործիչ կատեգորիայում F-5
ՀՀ ԱԺ պատգամավոր Նաիրա Կարապետյանը ծնվել է 1977թ. հոկտեմբերի 25-ին Գյումրիում:
1999թ. ավարտել է Երեւանի պետական համալսարանի արեւելագիտության ֆակուլտետը:
2002թ.-ին ԳԱԱ արեւելագիտության ինստիտուտի ասպիրանտուրան:
2004-2005թթ. սովորել է Մոսկվայի «Իմիջլենդ PR» կազմակերպությունում: PR հմտությունների մասնագետ: Մասնակցել է «Քաղաքական հմտությունների զարգացում» ծրագրի դասընթացներին (2009թ., «Կոնրադ Ադենաուեր» հիմնադրամի ուսուցողական կենտրոն, Դյուսելդորֆ եւ 2011թ., Լոնդոն):
2004թ. Հարավկովկասյան երիտասարդական ուսուցողական (թրեյներական) ցանցի (SCYTP) քաղաքական կարողությունների զարգացման դասընթացների ուսուցանող է (թրեյներ):
2005-2008թթ. աշխատել է ՀՀ սոցիալական ապահովագրության պետական հիմնադրամի (2008թ. հունվարից` ՀՀ ԱՍՀՆ սոցիալական ապահովության պետական ծառայություն) միջազգային համագործակցության եւ հասարակայնության հետ կապերի վարչությունում` միջազգային ծրագրերի զարգացման եւ PR պատասխանատու:
2010-2012թթ.` ՀՀ ճանապարհային երթեւեկության անվտանգության ազգային խորհրդի քարտուղարության PR պատասխանատու:
1995-1997թթ. եղել է ՅՈՒՆԻՍԵՖ-ի «Երջանիկ մանուկ» ծրագրի համակարգող խմբի անդամ եւ ԵՊՀ ուսխորհրդի մշակույթի հանձնաժողովի ղեկավար:
2003-2005թթ.` ՀՀ ԱԺ պատգամավորի օգնական: 2010թ. «Կանանց ակումբ»-ի համահիմնադիր է:
2008թ. ՄԻԱԿ կուսակցության անդամ է: 2009թ. կուսակցության խորհրդի եւ քարտուղարության անդամ:
2012թ. մայիսի 6-ին ԱԺ պատգամավոր է ընտրվել համամասնական ընտրակարգով Հայաստանի Հանրապետական կուսակցությունից:
Հեղինակ է գիտական մի շարք աշխատությունների: