Դեկտեմբերի 12-ին «Նացիոնալ» հյուրանոցում տեղի ունեցավ «Անալիտիկ» կենտրոնի կազմակերպած «ԱՍ քաղաքական-հասարակական մրցանակաբաշխություն 2014»-ի մրցանակների հանձնման միջոցառումը:
Հասարակության քվեարկության շնորհիվ տեղի ունեցած մրցանակաբաշխությամբ որոշվեցին, թե ովքեր են 2014-ի լավագույն քաղաքական և հասարակական գործիչները:
Մրցանակաբաշխության հանձնման արարողությանը ողջույնի խոսքով հանդես եկավ «ԱՍ մրցանակաբաշխության» հիմնադիր, «Անալիտիկ» կենտրոնի տնօրեն Անի Հովհաննիսյանը.
Անի Հովհաննիսյանն իր ելույթում ընդգծեց, որ «Անալիտիկ» կենտրոնն իր հիմնադրման օրվանից սկսած փորձում է նպաստել մեր երկրում պետականության ամրապնդմանը, ինչպես նաև տարբեր ոլորտների զարգացմանը: «ԱՍ քաղաքական- հասարակական» մրցանակաբաշխությունը «Անալիտիկ» կենտրոնն իրականացրել է նաև նախորդ տարի, մրցանակաբաշխության սկզբունքն ու նպատակը անաչառությունն ու օբյեկտիվությունն են, քանի որ միայն այդպիսի մոտեցման արդյունքում հնարավոր կլինի խնդիրներին լուծումներ տալ:
«ԱՍ քաղաքական-հասարակական» մրցանակաբաշխության հանդիսավոր արարողությանը ներկա էին ինչպես քաղաքական ոլորտի ներկայացուցիչներ, այնպես էլ՝ հասարակական գործիչներ, լրագրողներ, ովքեր կարևորում են Հայաստանում անաչառությունն ու օբյեկտիվությունը:
Այսպիսով, հասարակության քվեարկության արդյունքում որոշվել է.
Տարվա լավագույն նախարար անվանակարգում
Երրորդ տեղում է ՀՀ կրթության և գիտության նախարար Արմեն Աշոտյանը:
Այս անվանակարգում երկրորդ տեղն է զբաղեցնում ՀՀ արդարադատության նախարար Հովհաննես Մանուկյանը:
Իսկ Տարվա լավագույն նախարար է ճանաչվում ՀՀ բնապահպանության նախարար Արամայիս Գրիգորյանը:
Տարվա լավագույն պատգամավոր անվանակարգում
Երրորդ տեղն է զբաղեցնում անկախ պատգամավոր Արայիկ Գրիգորյանը:
Երկրորդ տեղը զբաղեցրեց ՀՀԿ խմբակցության պատգամավոր Ռոբերտ Սարգսյանը:
Իսկ տարվա լավագույն պատգամավոր ճանաչվեց ՀԱԿ խմբակցության պատգամավոր Նիկոլ Փաշինյանը:
Տարվա լավագույն մարզպետ անվանակարգում
Երրորդ տեղում է Լոռու մարզպետ Արթուր Նալբանդյան:
Այս անվանակարգում երկրորդ տեղն է զբաղեցնում Արարատի մարզպետ Ռուբիկ Աբրահամյանը:
Իսկ տարվա լավագույն մարզպետ է ճանաչվում Արմավիրի մարզպետ Աշոտ Ղահրամանյանը:
Տարվա լավագույն քաղաքապետ անվանակարգում
Երրորդ տեղում է Դիլիջանի քաղաքապետ Արմեն Սանթրոսյանը:
Այս անվանակարգում երկրորդ տեղը զբաղեցնում է Էջմիածնի քաղաքապետ Կարեն Գրիգորյանը:
Եվ տարվա լավագույն քաղաքապետ է ճանաչվում Իջևանի քաղաքապետ Վարդան Ղալումյանը:
Վարչական շրջանի տարվա լավագույն ղեկավար անվանակարգում
Երրորդ տեղում է Շենգավիթ վարչական շրջանի ղեկավար Արմեն Սարգսյանը
Երկրորղ տեղը զբաղեցրել է Ավան վարչական շրջանի ղեկավար Մանվել Ջավադյանը
Վարչական շրջանի տարվա լավագույն ղեկավար է ճանաչվել Նոր Նորք վարչական շրջանի ղեկավար Արմեն Ուլիխանյանը:
Աշխատակազմի տարվա լավագույն ղեկավար
Այս անվանակարգում երրորդ տեղում է Փառանձեմ Կարապետյանը՝ Արմավիրի մարզպետարան:
Երկրորդ տեղն է զբաղեցնում Սերգեյ Մակարյանը՝ Երևանի քաղաքապետարան:
Իսկ աշխատակազմի տարվա լավագույն ղեկավար է ճանաչվում Գառնիկ Հայրապետյան՝ ՊՆ:
Տարվա լավագույն փոխնախարար անվանակարգում
Երրորդ տեղը զբաղեցրեց Սուրեն Կարայանը՝ ՀՀ ֆինանսների նախարարի տեղակալ
Երկրորդ՝ Արտաշես Նազարյանը՝ ՀՀ սպորտի և երիտասարդության հարցերի նախարարություն
Տարվա լավագույն փոխնախարար ճանաչվեց Վախթանգ Միրումյանը՝ ՀՀ ֆինանսների նախարարի տեղակալ
Ավագ սերնդի տարվա լավագույն քաղաքական գործիչ
անվանակարգում երրորդ տեղը զբաղեցրեց ՀՀ ԱԺ փոխնախագահ Հերմինե Նաղդալյանը
Երկրորդ տեղում է ԲՀԿ պատգամավոր Նաիրա Զոհրաբյանը
Ավագ սերնդի տարվա լավագույն քաղաքական գործիչ ճանաչվեց ՀՀ վարչապետ Հովիկ Աբրահամյանը:
Նոր սերնդի տարվա լավագույն քաղաքական գործիչ անվանակարգում
Երրորդ տեղը զբաղեցրեց ԲՀԿ պատգամավոր Վահան Բաբայանը
Երկրորդ՝ տեղում է Մեսրոպ Առաքելյանը
Նոր սերնդի տարվա լավագույն քաղաքական գործիչ ճանաչվեց Ալեն Սիմոնյանը՝
Տարվա լավագույն հասարակական գործիչ անվանակարգում
Երրորդ տեղը զբաղեցրեց «Սիրիահայերի հիմնախնդիրները համակարգող կենտրոնի» տնօրեն Լենա Հալաջյանը
Երկրորդ տեղում է «Աշխատավորների շահերի պաշտպանության շարժման» ՀԿ նախագահ Կարեն Թումանյանը
Տարվա լավագույն հասարակական գործիչ ճանաչվեց Զինվոր համակարգող խորհրդի նախագահ Մարգարիտա Խաչատրյանը:
Հասարակայնության հետ կապերի տարվա լավագույն պատասխանատու անվանակարգում
Երրորդ տեղը զբաղեցրեց ՀՀ գյուղատնտեսության նախարարի մամուլի խոսնակ Անի Սմբատյանը
Երկրորդ՝ տեղը զբաղեցրեց ՀՀ ոստիկանության հասակայնության հետ կապի և լրատվության վարչության պետ Աշոտ Ահարոնյանը
Տարվա հասարակայնության հետ կապերի լավագույն պատասխանատու ճանաչվեց ՀՀ ՊՆ մամուլի խոսնակ Արծրուն Հովհաննիսյանը:
Տարվա լավագույն լրագրող անվանակարգում
Երրորդ տեղը զբաղեցրեց www.1in.am լրատվական կայքի լրագրող Սիրանույշ Պապյանը
Երկրորդ տեղը զբաղեցրեց Գալա հ/ը լրագրող Փայլակ Ֆահրադյանը
Տարվա լավագույն լրագրող ճանաչվեց Շանթ հ/ը լրագրող Արտակ Հովհաննիսյանը:
Տարվա լավագույն քաղաքական վերլուծաբան անվանակարգում
Երրորդ տեղը զբաղեցրեց Հրանտ Մելիք-Շահանզարյանը
Երկրորդ տեղում է Կարեն Քոչարյանը
Տարվա լավագույն քաղաքական վերլուծաբան ճանաչվեց Արա Պապյանը:
Հայկական սփյուռքի տարվա լավագույն գործիչ անվանակարգում
Երրորդ տեղը զբաղեցրեց Վահագն Հովնանյանը
Երկրորդ տեղում է Սամվել Կարապետյանը
Հայկական սփյուռքի տարվա լավագույն գործիչ ճանաչվեց Լևոն Հայրապետյանը:
Տարվա լավագույն դիվանագիտական առաքելություն անվանակարգում
Երկրորդ տեղը զբաղեցրեց ՀՀ-ում Ֆրանսիայի դեսպան Անրի Ռենոն
Առաջին տեղը ձայների հավասարությամբ կիսեցին ԱՄՆ դեսպան Ջոն Հեֆֆերնը և ՌԴ դեսպան Իվան Վոլինկին:
Հատուկ մրցանակների արժանացան 2014 թվականին առավելապես ակտիվ գործունեություն ծավալած հասարականպաստ և պետականամետ գործիչները:
Տարվա ամենապատասխանատու պաշտոնյա ճանաչվեց ՀՀ պաշտպանության նախարար Սեյրան Օհանյանը:
Տարվա լավագույն հաղորդաշար ճանաչվեց Հանրային հեռուստաընկերության «Նվիրյալները» հաղորդաշարը: Մրցանակը ստացավ հայտնի լրագրող և ռեժիսոր, հաղորդման հեղինակ Ցվետանա Պասկալևան:
Տարվա կին քաղաքական գործիչ ճանաչվեց ՀՀ ԱԺ փոխնախագահ Հերմինե Նաղդալյանը:
Տարվա ինտելեկտուալ պաշտոնյա ճանաչվեց ՀՀ ոստիկանապետի խորհրդական Նարեկ Մալյանը:
Սպորտի ոլորտում գրանցած նվաճումների համար տարվա նվաճում անվանակարգին արժանացավ ՀՀ սպորտի և երիտասարդության հարցերի նախարար Գաբրիել Ղազարյանը:
Տարվա ամենահավասարակշռված քաղաքական գործիչ ճանաչվեց ՕԵԿ խմբակցության պատգամավոր Մհեր Շահգելդյանը:
Երևանում տուրիզմի զարգացումը խթանելու համար հատուկ մրցանակի արժանացավ Երևանի քաղաքապետարանի տուրիզմի բաժնի պետ Մարիա Բարաղամյանը:
Տարվա լավագույն ֆլեշմոբի համար մրցանակ ստացավ Ինդիվիդում Քաստինգ Ստուդիոյի հիմնադիր Աշոտ Սարգսյանը:
Տարվա լավագույն մայրաքաղաքային նշանակության քաղաքաշինական նախագիծ ճանաչվեց Լենինգրադյան - Իսակով պողոտա ավտոմայրուղու նախագիծը, որի համար մրցանակ շնորհվեց Երևանի քաղաքապետ Տարոն Մարգարյանին:
Հասարակության վստահությունը վայելող տարվա քաղաքական գործիչ ճանաչվեց ԲՀԿ-ական պատգամավոր Վահե Էնֆիաջյանը:
Տարածաշրջանային քաղաքականության տարվա լավագույն վերլուծաբան ճանաչվեց թուրքագետ Գևորգ Պետրոսյանը:
Տարվա ամենաակտիվ ՖԲ քաղաքական վերլուծաբան ճանաչվեց Լևոն Մութաֆյանը:
Իսկ Տարվա ամենապահանջված քաղաքական վերլուծաբան քաղաքագետ Լևոն Շիրինյանը:
Տարվա մարդ մրցանակը՝ հասարակական և քաղաքական ակտիվ գործունեության համար ԲՀԿ առաջնորդ Գագիկ Ծառուկյանին շնորհվեց:
