ԼՂՀ անվտանգությունն ապահովելու նպատակով հունվարի 31-ին ժամը 13:00-14:00-ի սահմաններում դիմել են պատժիչ գործողությունների, որոնց արդյունքում շփման գծի արևելյան ուղղությամբ շարքից հանվել են հակառակորդի 2 դիրք և մեկ մարդատար ավտոմեքենա: Նույն ուղղությամբ մեկ այլ հատվածում խփվել է հակառակորդի առնվազն 2 զինվոր: ՊԲ առաջապահ ստորաբաժանումների կողմից ձեռնարկված այդ քայլերը կատարվել են ի պատասխան հակառակորդի կողմից իրականացված ականանետային նախահարձակ գործողությունների:
Սակայն,գրեթե նույն ժամանակ ''Ադրբեջանական հատուկ ջոկատայինները'' ԼՂՀ Ոստիկանության համազգեսով կերպարանափոխված մուտք են գործել Արցախի Հանրապետություն Բերձորի շրջանում և իրականացրել ''Ռեյդային Ստուգում'' կոչված շուրջկալ օպերացիան,որի մեջ են ընկել այդ պահին այդ տարածքում գտնվող շուրջ 43 ավտոմեքենաներ իրենց ուևորների հետ:
Ողևորների մեծ մասը եղել են կանայք և երեխաներ: Ի փառս մեր քաղաքացիների,որոնց մարտական ոգին չի կոտրել ժամանակավոր հրադադարը պետք է նշել,որ նրանց հաջողվել է ձեռնամարտով ճեղքել մինչև ատամները զինված ''ադրբեջանական վիժվածքների'' շղթան և հասնել ՀՀ սահման:
Մեր քաղաքացիների հստակ կողմնորոշման ,և արագ արձագանքի շնորհիվ բարեբախտաբար զոհեր չեն եղել,վնասվել են միայն ավտոմեքենաները,կան վիրավորներ,հիմնականում կանանց և երեխաների շրջանում,քանի որ ''ազերիների'' հիմնական թիրախը եղել են նրանք:
Ելուզակները հետապնդել են մեր հայրենակիցներին մինչև ՀՀ սահման և առաջ չեն գնացել:
Ավելացնենք նաև,որ ''Ադրբեջանական'' հատուկ ջոկատայինների շղթայի ճեղքումը ղեկավարել է Շուշվա հատուկ գումարտակի նախկին հրամանատար Ժիրայր Սեֆիլյանը,որի գլխի կամ նրան գոնե գետնին տապալելու համար դեռևս 90-ականներին Ադրբեջանական իշխանությունները կլօրիկ գումար էին խոստացել:
Այս շուրջկալ օպերացիայի ժամանակ ցավոք սրտի ''ազերիներին'' այնուամենայնիվ հաջողվել է 4 հոգով գետնին տապալել Ժիրայր Սեֆիլյանին:
Ի դեպ ''ազերիների'' կողմից ամբողջ օպերացիան տեսանկարահանվել է ''Ադրբեջանական'' բարձրագույն ղեկավարությանը ցույց տալու,Ժիրայր Սեֆիլյանին գետնին տապալողների ինքնությունը պարզելու և դեռևս 90-ականներից խոստացված պարգևը տալու նպատակով:
Մեզ մնում է միայն զարմանալ,թե ինչպես է ԼՂՀ ղեկավարությունը թույլ տվել այդ քանակությամբ <> զիված ուժերի մոտքը ազատ Արցախ և առավել ևս նրանց անպատիժ հեռանալը:
Ստորև ներկայացնում ենք ''ադրբեջանական'' հատուկ ջոկատայինների իրականացրած օպերացիայի տեսաձայնագրությունը :
Հ.Գ. Սա միակ մխիթարող տարբերակն է,որ մենք կարող ենք մտածել,որպեսզի ուղղակի չխելագարվենք,ոստիկանի համազգեստով վիժվածքների վայրագությունից,որոնք որ Պերմյակովի նման հայրենիք և ազգային պատկանելիություն չունեն:
Նրանք ծեծել են հերոս հայրերին,իրենց երեխաների աչքի առաջ,այն երեխաների,որ վաղը զինվոր են դառնալու և գնալու են Արցախը պաշտպանելու:
Միևնույն ժամանակ խմբագրությունը սթափության կոչ է անում ՀՀ քաղաքացիներին,սույն խայտառակ միջադեպի հետևանքով չտրվել սադրանքների,առանձին անձանց կատարած բարբարոսությունը չվերագրել մասսաներին, չդարձնել այս պատմությունը Հայաստանցի-Ղարաբաղցի անջրպետ և չմոռանալ,որ մենք մի ազգ ենք և մեկ ժողովուրդ և ծնվել,ապրում և ապրելու ենք մի հայրենիքում:
