Ապրիլի 2-ին հայտնի ֆինանսական բուրգի գործով մեղադրող դատախազը գործով ամբաստանյալ Ա.Անդրեասյանի համար 14 տարի ազատազրկում պահանջեց` գույքի ամբողջ բռնագանձմամբ, առավել խոշոր չափի խարդախություններ կատարելու համար:
Հաշվի առնելով ամբաստանյալի առողջական վիճակը վստահաբար կարելի է ասել, որ մեղադրող դատախազի պահանջած պատիժն ամբաստանյալի համար հավասարազոր է ցմահ ազատազրկման: Ինչն է զարմանալի՝ դեռ երբեք ՀՀ Քր.Օրի 178 հոդվածի 3-րդ մասով այդ աստիճանի խիստ պատիժ չի պահանջվել :
Վերլուծելով վերոնշյալն ակամայից գալիս ենք մի եզրակացության՝ ՀՀ Դատախազությունն այս քայլով փորձում է ամբաստանյալին՝ առ այն, որ Նազարյան-Բաբակեխյան զույգի կողմից լռելու դիմաց տված խոստումներն անիրականանալի են, ուստի մինչև վճռի հրապարակումը հնարավորություն է տրված Ա.Անդրեասյանին պատմել ճշմարտությունը, որն առանց աիր պատմելու էլ բոլորը գիտեն արդեն:
Ինչևէ, մտորելու հերթը հիմա ամբաստանյալ Ա․Անդրեասյանի և նրա ընտանիքի անդամներինն է: Հակառակ դեպքում, ամենայն հավանականությամբ, մեղադրող դատախազի պահանջած պատժաչափը կիրականանա, և Ա.Անդրեասյանը կհամալրի նույն Կ.Բաբակեխյանի խոստումներին հավատացած ՛՛թեթև ազատազրկման՛՛ վայրերում գտնվող կալանավորների շարքը:
Իսկ Ա.Անդրեասյանի համար, կրկնում ենք, 14 տարի ազատազրկումը հավասարազոր է ցմահ ազատազրկման:
