Վերջին երկու տարում Հայաստանի Հանրապետությունը 124 միլիոն դոլարի զենք է ձեռք բերել՝ զենքի ներկրման ծավալով զբաղեցնելով աշխարհում 54-րդ տեղը: Այս մասին ասված է SIPRI-ի զեկույցում: Զեկույցում նաև նշվում է, որ Երևանը հիմնականում զենքը գնել է Ռուսաստանից՝ ձեռք բերելով «Սմերչ», «Վերբա», «Կոռնետ» հակատանկային հրթիռային կոմպլեքսներ և այլն:
Ինչ վերաբերում է Ադրբեջանին, ապա այդ երկիրը զենքի ներկրման ծավալով զբաղեցնում է 27-րդ տեղ՝ 551 միլիոն դոլարի հասնող գնումներով: Ադրբեջանի դեպքում հիմնական մատակարարներից մեկը Ռուսաստանն է, մյուսը՝ Իսրայելը:
Զեկույցում հայտնվում է, որ աշխարհում ամենաշատ զենքը վաճառել է ԱՄՆ-ը, որին հաջորդում են Ռուսաստանը, Ֆրանսիան, Գերմանիան և Չինաստանը, որը հնգյակից դուրս է մղել Մեծ Բրիտանիային:
Հավելենք, որ 2013-17 թվականներին աշխարհում զենքի վաճառքի ծավալերն աճել են 10 տոկոսով:
