Մեծ Բրիտանիայի Հերթֆորդշիր քաղաքում գիտնականները վերստեղծել են Մարս մոլորակի մակերևույթը՝ այն ավելի լավ ուսումնասիրելու ու մոտ ապագայում դեպի «կարմիր մոլորակ» մարսագնաց ուղարկելու համար։
Ինչպես նշում է yahoo.com-ը, Mars Yard կոչվող տարածությունը, որն ունի 30մ լայնություն, նման է հսկայական ավազահանքի։ Նշվում է, որ արհեստականորեն ստեղծված ավազահանքի վրա փորձարկվելու են դեպի հեռավոր մոլորակ ուղարկվելիք մարսագնացի նախատիպերը։
Հայտնի է, որ նախագիծն իրականացվել է Եվրոպական տիեզերական գործակալության (ԵՏԳ) նախաձեռնությամբ ՝ 2 մլրդ դոլար արժողությամբ Exomars ծրագրի շրջանակներում։ Աղբյուրը հայտնում է, որ 2018թ. ԵՏԳ-ն ՆԱՍԱ-ի օրինակով մարսագնաց կուղարկի դեպի «կարմիր մոլորակ»՝ պարզելու համար, թե արդյոք այնտեղ կյանք գոյություն ունի։
