Երկիր մոլորակի վրա գոյություն ունեն երկրներ, որտեղ արյունահեղություններն ու հրաձգությունները չեն դադարում: Նման ողբերգալի վայրերից մեկը համարվում է Սոմալին, որը հայտնի է ոչ միայն իր ծովահեններով, այլ նաեւ տարիներ տեւող պատերազմով: Մարդկային կյանքն այստեղ արժեք չի ներկայացնում, տարբեր իսլամական արմատական խմբավորումներ, չընդունելով կենտրոնական կառավարությանը, անընդհատ պայքարի մեջ են նրա ու միմյանց միջեւ: Արդյունքում մարդիկ մահանում են հազարներով, մեռնում սովից ու համաճարակներից, պատերազմում որպես զինուժ օգտագործվում են դեռահաս երեխաները:
