ՀՀ պաշտպանության նախարարությունը հայտարարում է մրցույթ պաշտպանական համակարգում գիտահետազոտական աշխատանքների կատարման, դրանց արդյունավետ կիրառման, ինչպես նաև զորակոչիկների մասնագիտական կարողությունները պարտադիր զինվորական ծառայության ընթացքում ավելի նպատակային օգտագործելու նպատակով:
Մրցույթին կարող են մասնակցել 2018թ. ձմեռային զորակոչի ենթակա խորը մասնագիտական գիտելիքներ ու համապատասխան խնդիրներ լուծելու գործնական հմտություններ ունեցող զորակոչիկները՝ հետևյալ մասնագիտություններով.
ա. ֆիզիկա,
բ. ռադիոֆիզիկա,
գ. ռադիոտեխնիկա,
դ. քիմիա,
ե. թվային տեխնոլոգիաներ (կառավարման և տեղեկատվական),
զ. ռոբոտատեխնիկա,
է. ԱԹՍ-ներ,
ը. մեքենաշինություն,
թ. սարքաշինություն,
ժ. օպտոէլեկտրոնիկա:
Մրցույթին մասնակցելու ցանկություն ունեցող զորակոչիկները մինչև ս.թ. դեկտեմբերի 29-ը կարող են գրանցվել http://rapk.mil.am հղումով:
Տեխնոլոգիական վաշտի համալրման ենթակա հաստիքների քանակը 10 է:
Մրցույթը կանցկացվի 3 փուլով.
1-ին փուլ՝ տրամաբանական թեստ, 09.01.2019թ., ժամը 1100-ին, «Այբ» դպրոցում (Թբիլիսյան խճուղի 11/11):
Թեստավորման փուլի քննության ուղեցույցին կարելի է ծանոթանալ հետևյալ հղումով:
1-ին փուլի արդյունքների բողոքարկման դիմումի ձևը:
2-րդ փուլ՝ մասնագիտական քննություն, 13.01.2019թ., ժամը 1100-ին, Երևանի մաթեմատիկական մեքենաների գիտահետազոտական ինստիտուտում (Հ. Հակոբյան փ., 3):
2-րդ փուլի արդյունքների բողոքարկման դիմումի ձևը:
3-րդ փուլ՝ հարցազրուց, 18.01.2019թ., ժամը 1100-ին, Երևանի մաթեմատիկական մեքենաների գիտահետազոտական ինստիտուտում (Հ. Հակոբյան փ., 3):
Հարցերի համար գործում է էլ. փոստ՝ [email protected], հեռախոս՝ +374 10 66 81 66:
Մրցույթին մասնակցող զորակոչիկն իր հետ պետք է ունենա անձը հաստատող փաստաթուղթ, իսկ http://rapk.mil.am հղումով գրանցված լինելու դեպքում՝ նաև համապատասխան բարձրագույն կրթության ավարտական վկայականի պատճենը կամ, եթե առկա չէ ավարտական վկայականը՝ համապատասխան բարձրագույն ուսումնական հաստատության կողմից տրված տեղեկանք՝ ավարտական քննությունները հանձնած լինելու վերաբերյալ, ինքնակենսագրություն, զինվորական ծառայությանը պիտանիության աստիճանի (պիտանի կամ սահմանափակումով պիտանի) վերաբերյալ տեղեկանք:
Մրցույթի կարգին կարելի է ծանոթանալ հետևյալ հղումով (հավելված 7):