Ապրիլի 30-ին 2-րդ զորամիավորումում մեկնարկել են երկկողմ հրամանատարաշտաբային զորավարժություններ:
Զորամիավորման հրամանատարի ղեկավարությամբ անցկացվող զորավարժության շրջանակում ենթակա ստորաբաժանումները բերվել են մարտական պատրաստականության աստիճանի և զբաղեցրել հրամանատարական կետերը:
Մայիսի 1-ին անցկացվել է զորավարժության երկրորդ՝ պաշտպանողական և հարձակողական մարտերի նախապատրաստման փուլը, իրականացվել են տեղազննման աշխատանքներ, մշակվել է մարտի կազմակերպման հրամանատարական որոշումը:
