Հունիսի 10-ին լույս կտեսնի ԱՄՆ-ի նախկին պետքարտուղար Հիլարի Քլինթոնի գիրքը, որում կպատմվի այդ պաշտոնում նրա կյանքի ժամանակաշրջանի մասին:
Ըստ հրատարակչի՝ Simon & Schuster-ի՝ Քլինթոնը գրքում պատմում է, թե ինչպես արձագանքել մարտահրավերներին 21-րդ դարում: Սակայն առայժմ վերջնականապես հաստատված չէ գրքի վերնագիրն ու կազմի լուսանկարը:
Քլինթոնի գիրքը հատկապես սպասված է 2016-ի նրա նախագահական հավակնությունների ֆոնին: Դրանում խոսվում է նաև նախագահ դառնալու նրա նպատակների և հնարավորությունների մասին:
Նախկինում՝ 2003-ին, Քլինթոնը թողարկել էր «Կենդանի պատմություն» վերնագրով գիրքը, որը վաճառվել էր 1 մլն օրինակով:
Այս գրքի համար Քլինթոնը համագործակցել է ամուսնու՝ Բիլ Քլինթոնի, դստեր՝ Չելսիի և Simon & Schuster-ի խմբագիր Ջոնաթան Քարփի հետ: