ИТАР-ТАСС-ը հաղորդում է, որ ասիական «Բոաո» տնտեսական համաժողովի մասնակիցները դարձել են Ռուսաստանի վարչապետ Դմիտրի Մեդվեդևի լուսանկարչական աշխատանքների ցուցահանդեսի բացման արարողության հյուրերը:
«Ցուցահանդեսի բացումը Բոաոյի ֆորումում վկայում է ռուս-չինական հարաբերությունների զարգացման բարձր մակարդակի մասին»,-նշել է փոխվարչապետ Արկադի Դվորկովիչը:
Դմիտրի Մեդվեդևի կողմից 2014թ.-ին արված լուսանկարները կցուցադրվեն Չինաստանի խոշորագույն համալսարաններում, ինչպես նաև՝ խոշոր միջազգային հարթակներում:
Ցուցահանդեսին ներկայացվել է 19 լուսանկար, որոնք Մեդվեդևը լուսանկարել է Ռուսաստանում և արտասահմանում: Դվորկովիչը հատկապես առանձնացրել է որոշ լուսանկարները, որոնք արվել են անցյալ տարվա հոկտեմբերին՝ վարչապետի՝ ՉԺՀ կատարած պաշտոնական այցի ժամանակ:
