Միջազգային Ռազմական 

Ո՞վ է գեներալ Հարրիգյանը, ում խորհուրդ են տվել Ռուսաստանի պատմություն ուսումնասիրել

Օրվա նորություն է դարձել Եվրոպայում և Աֆրիկայում ԱՄՆ Ռազմաօդային ուժերի հրամանատար Ջեֆրի Լի Հարրիգյանի (Jeff  Harrigian) հայտարարությունն այն մասին, որ Պենտագոնը պատրաստ է պատասխանել  «ռուսական հնարավոր ագրեսիային» Եվրոպայում, մասնավորապես Վաշինգտոնի պլանների մեջ է մտնում թույլատրել հաղթահարելու Կալինինգրադի հակաօդային պաշտպանությունը։ Այս մասին հայտնում է Ռուսարմինֆո կայքը։

Գեներալի հայտարարությանը օպերատիվ արձագանքել է Կալինինգրադի նահանգապետ Անտոն Ալիխանովը, որը խորհուրդ է տվել ԱՄՆ-ին ռիսկի չդիմել՝ հարձակում կատարելով այդ տարածաշրջանի վրա, քանի որ այնտեղ տեղակայված զորքի թե՛ տեխնիկական, թե՛ բարոյահոգեբանական վիճակը թույլ է տալիս հակադարձել ցանկացած հակառակորդի։

Նահանգապետը նաև ամերիկացի զինվորականներին խորհուրդ է տվել ծանոթանալ Ռուսաստանի պատմությանը։

«Ես միայն կկամենայի մաղթել բոլոր ամերիկացի գեներալներին կարդալ Ռուսաստանը նվաճել պլանավորած զավթողների մասին պատմական գրքեր, և այն մասին, թե ինչով ավարտվեցին այդ նպատակները»,- ասաց նահանգապետը։

Մի քանի խոսք այն մասին, թե ով է գեներալ Հարրիգյանը։

Ջեֆրի Լի Հարրիգյանը ծնվել է 1962թ ԱՄՆ-ում և սերում է 1915-ի հայոց ցեղասպանությունից փրկված հայկական ընտանիքից։

Ապագա գեներալը մեծացել է Նեվադա նահանգում, դպրոցից հետո ուսանել է ԱՄՆ Ռազմաօդային ակադեմիայում/Կոլորադո/։ Ապա Հարրիգյանը ծառայել է որպես փորձարկող օդաչու։

Նա 2003թ «Ազատություն Իրաքին» օպերացիայի ստեղծողներից մեկն է։ Մասնակցել է մի շարք ռազմական օպերացիաների՝ «Just Cause» (Արդար գործ)՝ Պանամայում 1989 թ,  «Desert Storm»(Փոթորիկ անապատում) 1991 թ․ Իրաքում և այլն։

Հարրիգյանը տարբեր տարիների Պենտագոնում մի շարք ռազմական բարձրագույն պաշտոններ է զբաղեցրել։

2019-ի մայիսին Ջեֆրի Հարրիգյանը նշանակվել է Եվրոպայում և Աֆրիկայում ԱՄՆ ՌՕՈՒ հրամանատար, միաժամանակ ղեկավարելով նաև ՆԱՏՕ-ի Ռազմաօդային ուժերը։

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից