2018 թվականի հետ համեմատած 2020 թվականին պաշտպանական ոլորտում պլանավորել ենք բյուջետային հատկացումների 25,3 տոկոս ավելացում: Խորհրդարանում ՀՀ 2020 թվականի պետբյուջեի նախագծի քննարկման ժամանակ հայտարարեց ՀՀ վարչապետ Նիկոլ Փաշինյանը:
Վարչապետը նշեց, որ ռազմական ծախսերի մասով Հայաստանում կա օրենսդրական կարգավորումներ, որոնց համաձայն ռազմական ծախսերը չպետք է գերազանցեն ՀՆԱ-ի 4 տոկոսը. «Մենք պետք է մնանք այդ շրջանակներում: Սակայն պետք է արձանագրել, որ ռազմական ծախսերի ոլորտում 2020 թվականին ունենք ծախսեր, որոնք մի փոքր այլ տրամաբանությամբ են արվելու: Ես հույս ունեմ, որ նաև վերջին շրջանի փոփոխությունների արդյունքում մենք կոռուպցիայի դեմ պայքարի ծավալներն ու արդյունքները կմեծացնենք և այդ արդյունքները կուղվեն պաշտպանության և պաշտպանվածության մակարդակի բարձրացմանը»: