Ինչպես հաղորդում է ՏԱՍՍ գործակալությունը, Լիբերիայում հաջողվել է հաղթահարել Էբոլա վիրուսը:
Առողջապահության համաշխարհային կազմակերպության հաղորդագրության համաձայն Լիբերիան ներկայումս ձերբազատվել է մահացու վիրուսի սպառնալիքից:
Լիբերիայում վերջին 42 օրվա ընթացքում չի գրանցվել վիրուսի բռնկում:
Նախօրդ տարվա սեպտեմբերին աֆրիկյան այս երկրում օրեկան գրանցվում էր 400 վիրուսակիր:
Էբոլան, հիմնականում տարածված լինելով Արեւմտյան Աֆրիկայի երկրներում, դարձել է շուրջ 11 հազար մարդու մահվան պատճառ:
Վիրուսը դեռեւս ակտիվ է Սիեռա-Լիոնեում ու Գվինեայում:
