Սաուդյան թագավորության հարավում ու Եմենին սահմանակից Նաջրան քաղաքը ենթարկվել է ականանետային ու հրաձգային գնդակոծության:
Լրատվամիջոցների տեղեկությունների համաձայն քաղաքի հերտակոծումը սկսվել է օրվա երկրորդ կեսից: Այն իրականացվել է ականանետներից:
Հրետակոծության հետեւանքով քաղաքում կան ավերվածություններ:
Սաուդյան Արաբիայի իշխանությունները պաշտոնական հայտարարությամբ դեռեւս հանդես չեն եկել:
Հայտնի չէ, թե ովքեր են իրականացրել ռմբակոծությունը:
Տեղի իշխանությունները զերծ են մնացել մեկնաբանություններից:
Բացակայում է տեղեկատվությունը նաեւ զոհերի ու վիրավորների մասին:
