Ինչպես հաղորդում է «Երրորդ համաշխարհային պատերազմ» պորտալը, հայտնի են դարձել վերջերս աշխարհազորայինների դիրքերին ուղղված ուկրաինական ուժայինների հարձակման մանրամասնները:
Ուկրաինական ուժայինները նախ պրովակացիա են իրականացրել Դոնեցկի ուղղությամբ՝ զենքի տարբեր տեսակներից ռմբակոծելով աշխարհազորայինների հենակետերը:
Նրանց նպատակն է եղել ստիպել աշխարհազորայիններին Շիրոկինոյից ուժեր տեղափոխել դեպի Դոնեցկ, ինչի դեպքում աշխարհազորայինների դիրքերը հարավում կդառանային առավել խոցելի:
Սակայն, աշխարհազորայինները կռահելով հակառակորդի մտահղացումը, ամրացել են Նովոազովսկի հենակետերում:
Ուկրաինական ուժայինների 1,5 հազարանոց խմբավորումը ծանր տրամաչափի հրետանու, ականանետների ու տանկերի հուժկու համազարկներից հետո, փորձել է Նովոազովսկում ու Շիրոկինոյում ճեղքել աշխարհազորայինների հենակետերը:
Նրանց համառ դիմադրություն են ցուցաբերել 127 աշխարհազորայիններ, որոնց հաջողվել է կասեցնել հակառակորդին՝ պատճառելով մարդկային ուժի ու զինատեխնիկայի զգալի կորուստներ:
Շիրոկինոյում վերջին շրջանում ուկրաինական կողմը կենտրոնացրել է մեծ քանակությամ զրահատեխնիկա ու զինվորական անձնակազմ ու պարբերաբար դիմում է պրովոկացիոն քայլերի:
