Ինչպես հաղորդում է ANNA.NEWS գործակալությունը, Սիրիական կառավարական ուժերի ու ԻՊ գրոհայինների միջեւ շարունակվում են արյունալի մարտերը Դեր Էր-զոր պրովինցիայում:
Հիմնական մարտերը ընթացել են ռազմական օդանավակայանի տարածքում, որտեղ գրոհայինների բոլոր հարձակումները հետ են մղվել: Կառավարական ուերին հաջողվել է կասեցնել հակառակորդին պատճառելով մարդկային ուժի ու զինատեխնիկայի զգալի կորուստներ:
Միաժամանակ Ալ-Հասակա պրովինցիայում իրականացրած հարձակողական գործողությունների արդյունքում քուրդ աշխարհազորայիններն ազատագրել են շուրջ 10 բնակավայր:
Սիրիական օդուժի օժանդակության պայմաններում քրդերին հաջողվել է հետ մղել Թել-Համիսա քաղաքի դեմ ԻՊ գրոհայինների ձեռնարկած հարձակումը:
