Ինչպես հաղորդում է Ռիա նովոստի գործակալությունը, Սոմալիի հարավում արմատական գրոհայինների հարձակման հետեւանքով զոհվել է առնվազն 10 զինվորական:
Գրոհայինները հարձակում են ձեռնարկել երկրի հարավում տեղակայված ռազմաբազայի ուղղությամբ, մարտերի ընթացքում զոհվել են 10 զինծառայողներ, կան տասնյակ վիրավորներ:
Կառավարական ուժերին հաջողվել է վնասազերծել 15 գրոհայինների:
Հիշեցնենք, որ Սոմալիում գործող գրոհայինները սերտ կապեր ունեն Ալ-Քաիդա ահաբեկչական խմբավորման հետ, երկրում պարբերաբար իրականացնում են ահաբեկչություններ ու մարդկանց առեւանգումներ:
Սոմալին համարվում է ծովահենության կենտրոն ու աշխարհի ամենաանկայուն ու հետամնաց երկրներից է:
