Մալիի հանրապետությունում վերսկսվել են ռազմական գործողությունները երկրի կառավարական ուժերի ու հյուսիս-արեւելքում գործող ապստամբների խմբավորումների միջեւ:
Ապստամբները փորձել են գրավել կառավարական ուժերի վերահսկողության ներքո գտնվող Մենակա քաղաքը:
Այդ մասին հաղորդում է ՏԱՍՍ գործակալությունը, նշելով, որ երկրում գործող ՄԱԿ-ի խաղաղապահ ուժերը կոչ են արել հակամարտող կողմերին դադարեցնել բախումները ու խնդիրը կարգավորել երխոսությամբ:
Ավելի վաղ այդ քաղաքը վերահսկում էին ապստամբ տուարեգները: Կառավարական զինուժին հաջողվել էր քաղաքը ազատագրել ապստամբներից:
Տվյալների համաձայն քաղաքի շրջանում մարտերը դեռեւս շարունակվում են, երկուստեք կան զգալի կորուստներ:
