Ինչպես հաղորդում է Ռիա Նովոստի գործակալությունը, Ռուսաստանը Միացյալ նահանգներից հետո գրավում է երկրորդ տեղը զենքի համաշխարհային արտահանման ծավալներով:
Այդ մասին հայտնել է Ռուսաստանի նախագահ Վլադիմիր Պուտինը, նշելով, որ երկրին բաժին է ընկնում զենքի համաշխարհային շուկայի 27 տոկոսը:
Նրա խոսքերով Ռուսաստանը զենքի շուկայում ունի 50 միլիարդ դոլարի կայուն պատվեր, որի ծավալներն առաջիկայում աճելու են:
Հիշեցնենք, որ 31 տոկոսով առաջին հորիզոնականում է ԱՄՆ-ն, իսկ Գերմանիան ու Ֆրանսիան զգալիորեն զիջում են իրենց արտահանման ծավալներով:
