Ռուսական РИА Новости լրատվական գործակալության փոխանցմամբ՝ Ռուսաստանի Խաղաղօվկիանոսյան նավատորմի ստորջրյա ուժերը մինչը տարեվերջ կհամալրվեն վերանորոգում անցած ատոմային երկու սուզանավով:
Այս մասին հայտարարել է Ռուսաստանի պաշտպանության նախարարության ներկայացուցիչ Իգոր Դիգալոն: Նա մանրամասնել է, որ խոսքը գնում է «Կուզբաս» բազմանշանակ ատոմային սուզանավի (971У նախագիծ) և «Ռյազան» հրթիռակիր ատոմային սուզանավի (667БДР նախագիծ) մասին:
Ներկա դրությամբ դրանց վերանորոգման աշխատանքները շարունակվում են՝ գրաֆիկին համաձայն:
Վերանորոգման աշխատանքների ավարտից հետո սուզանավերը կանցնեն անհրաժեշտ բոլոր փորձարկումները և 2015 թվականի վերջին կհամալրեն Խաղաղօվկիանոսյան նավատորմի կազմը:
