ՌԴ Ռոստով քաղաքում ՀՀ գլխավոր հյուպատոսի ծառայողական մեքենան վթարի է ենթարկվել դեռահասների, գրում է rostov.aif.ru-ն՝ հավելելով, որ ՃՏՊ-ն տեղի է ունեցել մայիսի 10-ին, սակայն դրա մասին հայտնի է դարձել միայն այսօր։
Կայքը հայտնում է, որ ոստիկանները ստուգում են ճանապարհատրանսպորտային պատահարի հանգամանքները։
Հյուպատոսի Toyota Avalon մեքենայի վարորդը շրջադարձ կատարելու պահին առավելություն չի տվել Lada Priora մեքենային, որը շարժվել է հանդիպակաց ուղղությամբ։ Տեղի է ունեցել 2 մեքենաների բախում, ինչից հետո Toyota-ն հայտնվել է մայթին, որտեղով այդ պահին անցնելիս են եղել դեռահասները։
