Երևանի ոստիկանությունը բերման է ենթարկել ինը տարի առաջ Հայաստանի Ազգային ժողովի նախկին պատգամավոր, Մալաթի–Սեբաստիայի համայնքապետ, հանգուցյալ Վահան Զատիկյանի որդու` Սեդրակ Զատիկյանի սպանության մասնակիցներից մեկին։
«1982 թվականի ծնված քաղաքացի Նարեկ Խաչատրյանին ձերբակալել են Մալաթիա համայնքի ոստիկանական բաժնի աշխատակիցները մայիսի 17–ի առավոտյան ժամը 08։30–ի օպերատիվ–հետախուզական միջոցառումների արդյունքում երևանյան Բատիկյան փողոցում գտնվող տանը»,– ասվում է հաղորդման մեջ։
Նարեկ Խաչատրյանը միջազգային հետախուզման մեջ էր գտնվում 2007 թվականից Հայաստանի քրեական օրենսգրքի 38-104 հոդվածի 2–րդ մասի 1, 6, 7 և 8–րդ կետերով (մի խումբ անձանց կամ կազմակերպված խմբի կողմից շահադիտական նկատառումներով մեկ և ավելի անձանց սպանություն, կատարված բազմաթիվ մարդկանց կյանքի համար վտանգավոր ձևով) և 235–րդ հոդվածի առաջին մասով (զենքի, զինամթերքի, պայթուցիկ նյութերի կամ սարքերի անօրինական ձեռքբերելը, իրացնելը, պահելը, տեղափոխելը կամ կրելը)։
Մալաթիա–Սեբաստիա համայնքի ավագանի Սեդրակ Զատիկյանը զոհվել է 2006 թվականի հունիսի 22–ին Երևանում ` Կալաշնիկովի ինքնաձիգից ավտոմեքենան գնդակոծելու հետևանքով։ Գնդակոծման զոհ է դարձել նաև պատահական անցորդ` 37–ամյա մի կին։
Սպանությունից մեկ տարի անց գլխավոր դատախազությունը հայտնել է Զատիկյանի սպանության բացահայտման մասին, որն իրականացվել է անձնական հակակրանքի հիման վրա։ Անցկացված միջոցառումների արդյունքում 2007 թվականի հուլիսի 14–ին տվյալ հանցագործությանը մասնակցելու մեղադրանքով կալանավորվել են հետախուզման մեջ գտնվող Լուսինե Ղևոնդյանը և Արթուր Հովհաննիսյանը։ Եվս մեկ կասկածյալ` Արսեն Առուշանյանը, արդեն կալանավորված է։
