Ոստիկանության Հրազդանի բաժնում հունիսի 2-ին, ժամը 03.00-ին հաղորդում է ստացվել, որ ժամը 00.10-ին, Հրազդանի Զ.Անդրանիկի պողոտայում գտնվող կարաոկե ակումբում 1990 թ. ծնված Մասիս Բ.-ն «ԱՈՒՏՈ» տիպի 9 մմ տրամաչափի գազային ատրճանակով կրակել է գետնին:
Մասիս Բ.-ն բերման է ենթարկվել ոստիկանության Հրազդանի բաժին, տվել է բացատրություն և բաց է թողնվել:
Ատրճանակը փամփշտակալով, 2 փամփուշտով և փողին ամրացվող հրավառության սարքով վերցվել և ուղարկվել է ՀՀ ոստիկանության ՓՔՎ:
Այս մասին հայտնում են ՀՀ ոստիկանության լրատվական ծառայությունից և տեղեկացնում, որ հանգամանքները պարզվում են: