«Փաստինֆո»–ի տեղեկություններով, «Միրաժ» գիշերային ակումբի տնօրենը մայիսի 29-ին բերման է ենթարկվել ոստիկանության Շենգավիթի բաժին, որտեղ, հարազատների պնդմամբ, նրան ծեծի են ենթարկել: Ավելին՝ որպես բռնարարքի հեղինակ նշվում է ընդհուպ վարչական շրջանի ոստիկանապետի տեղակալի անունը:
Որոշ տեղեկություններով, նա դիմել է հիվանդանոց, որտեղ նրա մոտ գլխի հատվածում սալջարդ է ախտորոշվել:
Շրջանառող մեկ այլ վարկածի համաձայն, ոստիկանապետի տեղակալը անցնելիս է եղել գիշերային ակումբի մոտով և տեսել հանդիպակաց կանգնած մի շարք ավտոմեքենաներ, փորձել է տնօրենի միջոցով կարգավորել երթևեկությունը, գիշերային ակումբի տնօրենն ինքն է ակումբի մոտ ծառայություն իրականացնող ոստիկանի հետ նրա ծառայողական ավտոմեքնայով գնացել ոստիկանության բաժին, որտեղ ձևացրել է, թե իրեն բերման են ենթարկել և սպառնացել է բաժնի աշխատակիցներին: Իսկ նրա հետևից բաժին գնացած որդին ու ակումբի մենեջերը վիրավորական արտահայտություններ են արել, հայհոյել ու վիճաբանություն սարքել:
Մանրամասները՝ սկզբնաղբյուր կայքում