Շուտով Լոնդոն ու Նյու Յորք քաղաքներում կարող են հայտնվել յուրահատուկ կայարաններ, որոնք ավանդական հորիզոնականի փոխարեն կլինեն ուղղահայաց։ Նոր սերնդի գնացքներն այդ կայարանների շնորհիվ կկարողանան վերուվար անել երկնաքերերով։
Կոնցեպտի հեղինակները բրիտանացիներ Քրիստոֆեր Քրիստոֆին ու Լուկաս Մացարազան են, ովքեր կարծում են, որ իրենց մտահղացումը հնարավորություն կտա զգալի թեթևացնել քաղաքների ծանրաբեռնվածությունը։
Գնացքը բաղկացած է լինելու հատուկ խցիկներից, որոնցում գտնվելու են ուղևորները, իսկ երբ գնացքը հայտնվի ուղղահայաց դիրքում, խցիկները հատուկ մագնիսների շնորհիվ չեն փոխի իրենց դիրքն ու ուղևորները կվայելեն ընթացքը։