Վազգեն Սարգսյանի անվան ռազմական ինստիտուտի երկու կուրսանտ հայտնվել են ամբաստանյալի աթոռին: Խախտելով ՀՀ ԶՈՒ ներքին ծառայության կանոնագրքի կանոնները՝ զինծառայողները վիճաբանել ու ծեծի են ենթարկել միմյանց:Այս մասին հայտնում է «Փաստինֆո»–ն:
Ըստ մեղադրանքի՝ ռազմական ինստիտուտի կուրսանտներից մեկը՝19-ամյա երիտասարդը 2015 թվականի մարտի 6-ին՝ վաղ առավոտյան, զորամասի ննջարանում սանիտարական միջոցառումներ կատարելու կապակցությամբ վիճաբանել է համածառայող, շարքայինի հետ և ծեծել նրան՝ պատճառելով առողջության թեթև վնասի հատկանիշներ չպարունակող մարմնական վնասվածքներ:
Մեղադրանք է առաջադրվել նաև ծեծկռտուքի մյուս մասնակցին՝ 20-ամյա կուրսանտ շարքայինին, ով զորամասի ննջարանում ոտքերը մահճակալին դնելու կապակցությամբ վիճաբանել է համածառայակցի հետ և ծեծել նրան՝ պատճառելով առողջության թեթև վնասի հատկանիշներ չպարունակող մարմնական վնասվածք:
Սակայն կուրսանտների միջև վիճաբանությունն այսքանով չի ավարտվել դեպքի հաջորդ օրը կրկին շարքայինը ծեծել և բռնություն է գործադրել ծառայակցի նկատմամբ այս անգամ նրան պատճառելով առողջության թեթև վնաս, առողջության կարճատև քայքայումով:
Մանրամասները՝ սկզբնաղբյուր կայքում
