Նախօրեին՝ ժամը 21.21-ին, ՏԿԱԻՆ փրկարար ծառայություն ահազանգ է ստացվել, որ Երևանի Նորք Մարաշ 17-րդ փողոցի մոտակայքում այրվում է բուսածածկ տարածք: Դեպքի վայր է մեկնել մեկ մարտական հաշվարկ:
Ժամը 21.40-ին հայտարարվել է հրդեհի բարդության «Բիս 1» աստիճան: Դեպքի վայր է մեկնել ՃԿԱԿ ԱԻ արձագանքման խումբը և ևս երեք մարտական հաշվարկ:
ՏԿԱԻՆ մամուլի ծառայությունից տեղեկանում ենք, որ հրդեհը մեկուսացվել է ժամը 22.04-ին, մարվել` 22.12-ին: Այրվել է մոտ 4 հա խոտածածկույթ և աղբ:
