ԱԱԾ պետական օբյեկտների պահպանության վարչության աշխատակցի կողմից ինքն իր վրա կրակելու դեպքով հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին մասի հատկանիշներով՝ ինքնասպանության հասցնելը:
Այս մասին տեղեկացնում է Քննչական կոմիտեն:
Այսօր առավոտյան, Կառավարության անվտանգության աշխատակից 36-ամյա Լյուդվիգ Հովհաննիսյանը ՀՀ կառավարության վարչական շենքից տեղափոխվել է Երևանի թիվ 1 համալսարանական հիվանդանոց:
Ըստ նախնական տեղեկությունների՝ նա իր մոտ եղած ատրճանակով փորձել է ինքնասպան լինել՝ կրակելով իր գլխին:
Հովհաննիսյանի վիճակը գնահատվում է ծայրահեղ ծանր:
