Սեպտեմբերի 9-ին Արզական գյուղի հարևանությամբ գտնվող խոտածածկ տարածքում և անտառում խոշոր հրդեհ է բռնկվել. տեղեկացնում է shamshyan.com-ը:
Գյուղի բնակիչները թիվ 47 հրշեջ-փրկարարական ջոկատի աշխատակիցների հետ աշխատանքներ են կատարում կրակի տարածումը կանխելու համար:
Հրդեհաշիջման աշխատանքներին կամավոր սկզբունքներով մասնակցում են մեծ թվով գյուղացիներ, ովքեր չսպասելով հրշեջ-փրկարարներին` իրենց ուժերով են պայքարում կրակի դեմ: Հրդեհաշիջման աշխատանքներին խանգարում է նաև քամին: Թե ինչն է եղել հրդեհի պատճառը` այս պահին հնարավոր չէ պարզել:
