Այսօր՝ հոկտեմբերի 31-ին, ողբերգական դեպք է տեղի ունեցել Գեղարքունիքի մարզում: Ժամը 07:15-ի սահմաններում ՀՀ Տարածքային կառավարման և արտակարգ իրավիճակների նախարարության փրկարար ծառայության և Ճանապարհային ոստիկանության օպերատիվ կառավարման կենտրոններ ահազանգ է ստացվել, որ Սևան-Մարտունի-Գետափ ավտոճանապարհի 64.8 կմ հատվածում՝ ճանապարհին, տղամարդու դի կա:
Ինչպես հայտնում է ֆոտոլրագրող Գագիկ Շամշյանը, նշված վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի աշխատակիցները՝ վաշտի հրամանատար Սերգեյ Հակոբյանի գլխավորությամբ: Ժամանել է նաև ոստիկանության Մարտունու բաժնի օպերատիվ խումբը:
Դեպքի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Գեղարքունիքի մարզային քննչական վարչություն, որտեղից ժամանել է քննչական խումբը: Պ
արզվել է, որ անհայտ մակնիշի և համարանիշի ավտոմեքենայի վարորդը նշված հատվածում վրաերթի է ենթարկել Մարտունի քաղաքի Մյասնիկյան փողոցի 9-րդ նրբանցքի բնակիչ, 62-ամյա Մանվել Հոխանյանին և նրան թողնելով դեպքի վայրում անօգնական՝ դիմել է փախուստի:
Մ. Հոխանյանը տեղում մահացել է:
Մանրամասն՝ shamshyan.com
