«Կոգլիմավիա» ավիաընկերության ղեկավարությունը Airbus -321-ի վթարի ենթարկվելու պատճառներից բացառել է մարդկային գործոնը:
Այս մասին գրում է Vesti.ru-ն: Օքսանա Գոլովինան հայտարարել է, որ օդանավի օդաչուն՝ Վալերի Նեմովը թռել է ավելի քան 12 հազար ժամ, իսկ ինքնաթիռը շահագործման պիտանի էր:
Նշվում է, որ ավիավթարի պատճառների ուսումնասիրությամբ զբաղվում է ՌԴ նախագահի հանձնարարությամբ ստեղծված հատուկ հանձնաժողովը:
Ռուսական լրատվամիջոցների փոխանցմամբ, օդանավի ուղևորների թվում եղել են ոչ միայն ռուսաստանցիներ, այլև Բելառուսի ու Ուկրաինայի քաղաքացիներ:
