Այսօր կառավարության մոտ հավաքվել էին մի քանի տասնյակ քաղցրաշենցի խաղողագործներ, որոնք պահանջում էին հանդիպում վարչապետ Հովիկ Աբրահամյանի հետ:Նրանք պահանջում են նախորդ տարի մթերված խաղողի գումարները: Գյուղացիներին մի քանի անգամ խոստացել են վճարել, սակայն խոստումը չեն իրագործել։ Խաղողը մթերած «Վինար» գործարանը քաղցրաշենցիներին պարտք է 185 միլիոն դրամ։
Նշենք, որ «Վինար» գործարանի սեփականատերերն են Ավետ Գալստյանը եւ ԱԺ պատգամավոր Կարո Կարապետյանը,ովքեր եւս այսօր ժամանել էին կառավարության շենք:Խաղողագործներին կրկին խոստացել են մթերած խաղողի պարտքը մինչեւ մայիսի 10-ը վճարել ամբողջությամբ։