Analitik.am-ը նախկինում անդրադարձել էր համաշխարհային պարտքին և վերջինիս բաղադրիչներին: Ստորև կներկայացնենք, թե որ երկրներին է հաջողվել վերջին տարիներին նվազեցնել պարտքերը:
Սկսենք նրանից, որ համաշխարհային պարտքն ուսումնասիրելիս բավականին հետաքրքիր է Չինաստանի պարտքային վիճակը: Չինաստանի պետական պարտքը աճել է բավականին բարձր տեմպերով: Եթե 2002թ-ին պարտքը կազմում էր 2,1 մլրդ. դոլար, ապա 2007թ-ի այն մեծացել է ՝ հասնելով 7,4 մլրդ. դոլարի, իսկ 2014թ.-ին այն հասել է 28,2 մլրդ. դոլարի: 2007-2014 թ.թ. պարտքը մեծացել է չորս անգամ: McKinsey զեկույցում ասվում է, որ Չինաստանի պարտքը դեռևս կառավարվում է, սակայն ամեն վարկյան այն կարող է անկառավարելի դառնալ, ինչը լուրջ վտանգ է ոչ միայն Չինաստանի, այլ նաև ամբողջ աշխարհի տնտեսության համար:
2007-2009թ.թ. ընդունված այն որոշումները, որոնք վերաբերում էին պետական պարտքի կրճատմանն, այդպես էլ հնարավոր չի եղել իրագործել և դրանք մնացել են ցանկության մակարդակում: Զեկույցում ընդգրկված 47 երկրներից միայն ութին է հաջողվել նվազեցնել ընդհանուր պարտքի հարաբերական մակարդակը:
Աղյ. 3.
Ընդհանուր պարտքի հարաբերական մակարդակի նվազեցումը տարբեր երկրներում 2007-2014 թ.թ.
|
% ՀՆԱ |
Իջեցում, տոկոս. կետեր |
|
2007 |
2014 |
||
ԱՄՆ |
277 |
269 |
8 |
Եգիպտոս |
125 |
108 |
17 |
Սաուդյան Արաբիա |
87 |
65 |
22 |
Ռումինիա |
122 |
111 |
11 |
Ֆիլիպիններ |
129 |
128 |
1 |
Իսրայել |
212 |
190 |
22 |
Գերմանիա |
266 |
258 |
8 |
Արգենտինա |
56 |
40 |
16 |
Համեմատական ավելի մեծ չափի նվազում հաջողվել է իրականացնել Սաուդյան Արաբիային և Իսրայելիս: Սակայն բացարձակ չափի պարտքի իջեցում արել է ԱՄՆ-ն: Տարբեր երկրներում պարտքի տարբեր կետերի մասով է իջեցվել ընդհանուր պարտքը՝ Արգենտինայում՝ պետական և ֆինանսական հատվածի պարտքի իջեցման, Իսրայելում՝ պետական, կորպորատիվ և ֆինանսական հատվածների պարտքի հաշվին, Սաուդյան Արաբիայում՝ պետական, տնային տնտեսությունների, ֆինանսական հատվածի պարտքի հաշվին:
ԱՄՆ-ում՝ առաջին հերթին ֆինանսական և տնային տնտեսությունների պարտքի նվազեցման հաշվին: Երկրներից ոչ մեկին չի հաջողվել չորս կետով էլ նվազեցնել պարտքը: