Ապրիլի 2-ին, ժամը 12:54-ին ահազանգ է ստացվել, որ Երևան քաղաքի Բագրատունյաց պողոտայում՝ Գործարանային մետրոյի կայարանի մոտակայքում, տեղի է ունեցել ՃՏՊ՝ կան տուժածներ. անհրաժեշտ է փրկարարների օգնությունը: Այս մասին Analitik.am-ը տեղեկանում է ԱԻՆ պաշտոնական կայքէջից:
Դեպքի վայր է մեկնել երկու մարտական հաշվարկ:
Պարզվել է, որ Բագրատունյաց պողոտայի վերջնամասում գտնվող բենզալցակայանի մոտակայքում բախվել են Opel մակնիշի 55 NN 335 և BMW մակնիշի 77 GA 779 պետհամարանիշերով ավտոմեքենաները. Opel մակնիշի ավտոմեքենայի վարորդը տեղի ուժերով դուրս է բերվել արգելափակումից:
Փրկարարներն արգելափակումից դուրս են բերել BMW մակնիշի ավտոմեքենայի վարորդին, հոսանքազրկել ավտոմեքենաները և փակել գազի բալոնների փականները: Տուժածները հոսպիտալացվել են Էրեբունի ԲԿ: Բժիշկները նրանց առողջական վիճակը գնահատել են միջին ծանրության:
