Հուլիսի 31-ին, ժամը 14:16-ին «911» ծառայությանն ահազանգ է ստացվել, որ Երևան-Սևան ավտոճանապարհին՝ ՃՈ նախկին հենակետի մոտակայքում, տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «Mercedes C180» (վարորդը՝ Ա. Ս., 1991 թ.) և «ԳԱԶել» մակնիշերի (վարորդը՝ Հ. Գ., 1975 թ.) ավտոմեքենաները:
Մինչ փրկարարների՝ կանչի վայր հասնելը, «Mercedes C180» մակնիշի ավտոմեքենայի վարորդը, «Գազել» մակնիշի ավտոմեքենայի վարորդը և ուղևորը՝ Ա. Մ.-ն (2008 թ.) հոսպիտալացվել են Հրազդանի ԲԿ, որտեղ բժիշկները տուժածների առողջական վիճակները գնահատել են բավարար:
Փրկարարները փակել են գազի բալոնների փականները և հոսանքազրկել են «ԳԱԶել» մակնիշի ավտոմեքենան:
