Սեպտեմբերի 25-ին, ժամը 12:16-ին «911» ծառայությանն ահազանգ է ստացվել, որ Արարատի մարզի Դաշտավան գյուղի վերջնամասում տեղի է ունեցել ՃՏՊ, ավտոմեքենայի շարժիչի հատվածից ծուխ է նկատվում. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ և Հոգեբանական աջակցության բաժնի հոգեբանական խորհրդատվության գծով հրահանգիչը:
Պարզվել է, որ բախվել են «BMW» և «ԳԱԶ-3110» մակնիշների (վարորդը՝ Վ. Հ.) ավտոմեքենաները:
ՃՏՊ-ի հետևանքով «ԳԱԶ-3110» մակնիշի ավտոմեքենայի ուղևոր՝ Ա. Հ.-ն (ծնված 1995 թ.), տեղում մահացել է, Վ. Հ.-ն (ծնված 1966 թ.) տեղափոխվել է «Էրեբունի» ԲԿ, իսկ Մ. Հ.-ն (ծնված 1997 թ.)՝ Մասիսի ԲԿ:
Հրահանգիչը հոգեբանական աջակցություն է ցուցաբերել մահացածի և տուժածների հարազատներին:
Փրկարարները հոսանքազրկել են ավտոմեքենաները, փակել գազի բալոնների փականները և կատարել ճանապարհի լվացման աշխատանքներ:
