Դեկտեմբերի 9-ին, ժամը 01:35-ին «911» ծառայությանը տեղեկություն է հաղորդվել, որ Երևան քաղաքի Ներքին Չարբախ 9-րդ փողոցի տներից մեկի մոտակայքում այրվում է ավտոմեքենա:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհը բռնկվել է ավտոտեխսպասարկման կետում:
Հրդեհը մեկուսացվել է ժամը 01:50-ին, մարվել՝ 02:14-ին:
Ամբողջությամբ այրվել է ավտոտեխսպասարկման կետում գտնվող «Opel Astra G» մակնիշի ավտոմեքենան:
Հրդեհի հետևանքով տուժածներ չկան:
