Պատահարներ 

«Mercedes»-ի մասնակցությամբ վթար՝ Երևանի կենտրոնում. Տուժածներ կան

Փետրվարի 11-ին, ժամը 21:12-ին «911» ծառայությանը տեղեկություն է հաղորդվել, որ Երևան քաղաքի Խանջյան փողոցում՝ Խաչատուր Աբովյանի անվան հայկական պետական մանկավարժական համալսարանի մոտակայքում, տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ բախվել են «Opel Astra G» մակնիշի (վարորդ՝ Հ. Մ., ծնված 1996 թ.), «Mercedes C» մակնիշի (վարորդի տվյալները չի հաջողվել պարզել) և «Opel Astra G» մակնիշի (վարորդի տվյալները չի հաջողվել պարզել) ավտոմեքենաները:

Մինչ փրկարարների՝ դեպքի վայր հասնելը, տուժածները տարբեր բնույթի մարմնական վնասվածքներով հոսպիտալացվել են: Հ. Մ.-ն հոսպիտալացվել է «Էրեբունի» ԲԿ, Ա. Հ.-ն (ծնված 1962 թ.) և Շ. Գ.-ն (ծնված 1947 թ.)՝ «Սուրբ Գրիգոր Լուսավորիչ» ԲԿ, իսկ Գ. Գ.-ն (ծնված 1974 թ.)՝ «Հերացի» թիվ 1 հիվանդանոցային համալիր: Գ. Գ.-ի առողջական վիճակը  բժիշկները գնահատել են բավարար:

Փրկարարները փակել են «Mercedes C» մակնիշի ավտոմեքենայի գազի բալոնի փականը:

 

 

  • 85
  •  
  •  
  • 1
  •  
  • 1
  •  
  •  
  •  
    87
    Shares

Նույն շարքից