Գյումրիում քիչ առաջ արտակարգ դեպք է տեղի ունեցել: Նախնական տեղեկություններով՝ դանակահարություն է եղել:
ArmDay.am-ին հայտնի դարձավ, որ ժամը 21:00-ի հատվածում տարբեր աստիճանի մարմնական վնասվածքներով եւ արյունահոսությամբ Գյումրու բժշկական կենտրոն են տեղափոխվել 21-ամյա Ռազմիկ Ա.-ն եւ 52-ամյա Իսահակ Ա.-ն:
ArmDay.am-ի աղբյուրների փոխանցմամաբ՝ նրանք պապ եւ թոռ են: Դեռ անհայտ պատճառներով պապ ու թոռանը, նախնական տեղեկություններով, դանակահարել են Գյումրու «Պոլիգոններ» թաղամասից դեպի «Անի» թաղամաս տանող ճանապարահատվածին: Ըստ էության, տեղի է ունեցել վիճաբանություն, որի մանրամասները դեռ հայտնի չեն:
Ռազմիկ Ա.-ի մոտ ախտորոշվել է կրծքավանդակի աջ կեսի վնասվածքներ, իսկ Իսահակ Ա.-ի մոտ՝ կրծքավանդակի ձախ կեսի վնասվածքներ: Նրանք այս պահին վիրահատվում են:
Նրանց բժշկական կենտրոն տեղափոխել են հարազատները:
