«Բողոքի այն ակցիաները, որոնք իրականացվում են կամ իրականացվել են, ես որակեցի որպես իրավունքի ինքնապաշտպանություն, սակայն իրավունքի ինքնապաշտպանությունը պետք է հետևի բոլոր միջոցների սպառմանը: Հայաստանում կան իրավունքների պաշտպանության իրավական միջոցներ: Եթե դրանք չեն աշխատում, միայն դրանից հետո է իրավունքի ինքնապաշտպանությունը դառնում լեգիտիմ»,-այսօր՝ հունիսի 1-ին, լրագրողների հետ զրույցի ժամանակ հայտարարեց ՀՀ արդարադատության նախարար Արտակ Զեյնալյանը՝ խոսելով ԵՊՀ-ում սկսված պայքարի մասին:
Նախարարի խոսքերով, մյուս կողմից, եթե ԲՈՒՀ-ն ապակուսակցականացվում է, դա չի կարող դիտվել որպես քաղաքական հետապնդում. «ԲՈՒՀ-ը չպետք է լինի կուսակցական, չեզոք դիրքի բերելը չի կարող դիտվել որպես քաղաքական հետապնդում»:
