Երևանի բուսաբանական այգին հիմնադրվել է 1935-ին Ավանում' որպես Գիտությունների ակադեմիայի բուսաբանական այգի, և ունի դենդրոլոգիայի, ծաղկաբուծության, Հայաստանի ֆլորայի ու բուսականության, ջերմատնային բույսերի բաժիններ, տնկարաններ։ Մինիստրների խորհրդի որոշմամբ հաստատվել է 120 հա տարածքով, որից այսօր մնացել է 80 հա։
Բույսերն այստեղ ներկայացված են աշխարհագրական մասերի հավաքածուներով' բերված կովկասյան, եվրոսիբիրյան, Հյուսիսային Ամերիկայի և Արևելյան Ասիայի երկրներից։
Բուսաբանական այգու հավաքածուն ունեցել է 1200 տեսակ ծառեր և թփեր, 1000 տեսակի ջերմատնային բույսեր, Հայաստանի ֆլորայի 1000-ից ավելի ներկայացուցիչներ:
